راچڵەكین-
دوای ئەوەی هاووڵاتییەك لە سنووری قەزای ماوەت وێنەی خۆی لەكاتی راوكردنی ئاژەڵێكی كێوی بڵاو كردبووەوە، دەستگیركرا.
ئەمڕۆ پێنحشەممە، بەڕێوەبەرایەتیی پۆلیسی دارستان و ژینگەی سلێمانی بڵاویكردەوە، دوای ئەوەی هاووڵاتییەك لە تۆڕی كۆمەڵایەتی (فەیسبوك) وێنەی خۆی لەكاتی راوكردنی ئاژەڵێكی كێوی بڵاوكردەوە، پاش وەرگرتنی بڕیاری دادوەر، مەفرەزەكانی پۆلیسی دارستان و ژینگەی ماوەت، لێكۆڵینەوە و بەدواداچوونیان دەستیپێكرد.
بەڕێوەبەرایەتیی پۆلیسی دارستان و ژینگەی سلێمانی دەڵێت، توانرا ئەو هاووڵاتییە دەستگیربكرێت، لەئێستاشدا بە فەرمانی دادوەری لێكۆڵینەوە هاووڵاتییەكە راگیراوە و رێكاری یاسایی لەدژی گیراوەتەبەر.
