راچڵەكین-
لەیەكێك لەزانكۆ ناحكومییەكانی شاری هەولێر، مامۆستایەكی زانكۆكە هێرش دەكاتە سەر كچە خوێندكارێك و ئەویش سكاڵا تۆمار دەكات.
ئاسۆ هاشم پارێزەری كچە خوێندكارەكە لە كۆنگرەیەكی رۆژنامەوانیدا رایگەیاند:" مامۆستایەك بە پێنووس هێرشیكردووەتە سەر بریكاردەرەكەم كە لە قۆناغی یەكەمی بەشی راگەیاندنە".
وتیشی:" مامۆستاكە بە قەڵەم هێرشیكردووەتە سەر كچە خوێندكارەكە و برینداری كردووە، پشكنینی پزیشكیشمان لەبەردەستە سەبارەت بەو پرسە و پشكنینەكەش دەیسەلمێنێت كە كچەكە برینداركراوە".
ئاسۆ هاشم، ئەوەی روونكردەوە:" رووداوەكە بەهۆی لێكتێنەگەیشتنەوە روویداوە و لەو كاتەشدا 31 خوێندكار ئامادەبوون و سەرجەمیان ئامادەییان تێدایە شاهیدی بدەن."