راچڵەكین -
بەڕێوەبەرایەتی ئەوقافی هەولێر روونكردنەوە لەبارەی هێرشكردنە سەر مامۆستایەكی ئایینی دەدات و رایدەگەیەنێت، تۆمەتبارەكە دەستگیر كرا.
لە راگەیەندراوێكدا كە ئێوارەی ئەمڕۆ چوارشەممە بڵاوكراوەتەوە، بەڕێوەبەرایەتی ئەوقاف و كاروباری ئایینی پارێزگای هەولێر رایگەیاندووە، شەوی رابردوو لەكاتی جێبەجێكردنی ئەركی ئایینی و خزمەتكردنی رۆژوەوانان، لەلایەن كەسێكەوە بە ناڕەوا دوور لە ئادابی ئایینی و كۆمەڵایەتی، هێرش كراوەتە سەر مامۆستای مزگەوتی (گڵوباڵ سیتی).
ئەوقافی هەولێر، وێڕای ئیدانەكردنی رووداوەكە، ئاماژەی بەوەشكردووە كە راستەوخۆ رێكاری یاساییان لەگەڵ دەزگا پەیوەندیارەكان گرتەبەر و هەماهەنگ بوون تا تۆمەتبارەكە دەستگیركرا.
لە بەشێكی دیكەی راگەیەندراوەكەدا هاتووە "هەموو لایەك ئاگادار دەكەینەوە كە دامەزراوەكانی ئەوقاف داكۆكیكار و بەرگریكار و پارێزەری راستەقینەی مامۆستایانن و بەدواداچوونیش بۆ ئەم رووداوە دەكەین تاكو یاسا رێڕەوی خۆی بەتەواوی وەردەگرێت.