چوار كەس لەهەولێر لەلایەن ئاسایشەوە دەستگیركران

کوردستان

پێش 2 هەفتە     ژمارەی بینراو 619

راچڵەكین-

بەرێوەبەرایەتی ئاسایشی هەولێر بڵاویكردووەتەوە، چوار تۆمەتباریان دەستگیركردوە كە هەڵیانكوتاوەتە سەر ماڵی خاڵێكیان چونكە كێشەی میراتیان لەگەڵیدا هەبوە، هەوڵیشیانداوە ئۆتۆمبێلی خاڵیان بسوتێنن.

ئاسایشی هەولێر ئەمشەو لەراگەیەندراوێكدا بڵاویكردووەتەوە:" دوای ئەنجامدانی بەدواداچوون لەلایەن هێزەكانمان و بەفەرمانی دادوەری لێكۆڵینەوەی ئاسایشی هەولێر چوار تۆمەتبارمان دەستگیر كرد بەناوەكانی (ش، م، ی) و (ع ،س ،م) و(ن، أ، پ) و(ل، م، ك)."

وەك لەراگەیەندراوەكەدا هاتووە:" تۆمەتباری سەرەكی (ش ،م ،ی) لەسەر پارە و میرات بۆتە كێشەی كۆمەڵایەتی لەگەل ماڵی خاڵەكانی و بەو هۆیەوە سێ تۆمەتبارەكەی دیكەی چەند جارێك هانداوە لەبەرامبەر بڕێك پارە تاكو هەڵبكوتنە سەر ماڵی ئەو خاڵانەیان."

ئاسایشی هەولێر لەكۆتایی راگەیەندراوەەیدا دەڵێت:" بەو نیازە چەكی بێ مۆڵەتیان بەكارهێناوە و تەقەیان لەماڵی خاڵەكانیان كردوە، دوایین جاریش لەلایەن تۆمەتبار (ع، س، م) هەوڵی سوتاندنی ئۆتۆمبیلەكەی خاڵی دابوو لە گەڕەكی موفتی شاری هەولێر."

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن