راچڵەكین-
پارتی سۆسیال دیموكراتی كوردستان رایدەگەیەنێت، شەهیدبوونی گەنجێكی جوانخاس، زۆر نیگەران و داخداری كردین، ڕووداوەكەی ئەمشەو هەوڵێك بوو بۆ لەكەداركردنی ناو و ناوبانگی ئێمە.
بەپێی راگەیەندراوێك كە لەلایەن پارتی سۆسیال دیموكراتی كوردستان بڵاوكرایەوە" بەداخەوە ئەو رووداوەی ئەمشەو هەوڵێك بوو بۆ لەكەداركردنی ناو و ناوبانگی ئێمە و كە زۆر هەوڵماندا خۆمانی لێلابدەین، بەڵام پەلكێشی ئەو بارودۆخەیان كردین".
دوای كۆتاییهاتنی كارەكانی كۆنگرەی هەشتەمی پارتی سۆسیال دیموكراتی كوردستان و دوور خستنەوەی عەبدووڵڵای حاجی مەحمود لە حزبكە، ئاڵۆزی و شەڕە تەقە لە نێوان چەكدارانی محەممەدی حاجی مەحموود و عەبدووڵڵای حاجی مەحمود دروست بوو، هەر بەو هۆیەوە كەسێك كوژرا و چەند كەسێكی تر برینداربوون.
دەقی راگەیەندراوەكە:
شەهیدبوونی گەنجێكی جوانخاسی زۆر نیگەران و داخداری كردین، بەداخەوە ئەو ڕوداوەی ئەمشەو هەوڵێك بوو بۆ لەكەداركردنی ناو و ناوبانگی ئێمەو داوێكبوو كە زۆر هەوڵماندا خۆمانی لێلابدەین، بەڵام پەلكێشی ئەو بارودۆخەیان كردین، بەئامانجی بەرزكردنەوەی ناوبانگی خۆیان لەسەر حسابی ڕژانی خوێنی گەنجانی جوانمەردی وڵاتەكەمان.
راگەیاندنی حزبی سۆسیال دیموكراتی كوردستان
5/4/2024