راچڵەكین-
سەرۆكی كۆریای باكوور ئاماژە بە دەركەوتنی دەستەواژەكانی بەرپابوونی جەنگ دەكات و دەڵێت ئامادەكاریی بۆ دەكەن.
ئەمڕۆ پێنجشەممە، كیم جۆنگ ئون سەرۆكی كۆریای باكوور رایگەیاند، رەوشی ناجێگیری جیۆپۆلەتیكی ناوچەكە و دەوروبەری وڵاتەكەی، بەو واتایەن كە كاتی ئەوە هاتووە خۆیان بۆ جەنگ ئامادە بكەن.
ئەم لێدوانەی كیم لە میانی سەردانێكیدا بۆ زانكۆی كیم جۆنگ ئیڵ بۆ زانستە سەربازی و سیاسییەكان كە لەلایەن ئاژانسی هەواڵی ناوەندی كۆریاوە بڵاوكرایەوە.
ئاژانسەكە لە زاری كیم جۆنگ ئونەوە بڵاویكردووەتەوە"ئەگەر دوژمن ڕووبەڕووبوونەوەی سەربازی لەگەڵ كۆریای باكوور هەڵببژێرێت، وڵاتەكەی بەبێ دوودڵی گورزێكی كوشندە لە دوژمن دەدات و هەموو ئامرازەكان بۆ بەرپەچدانەوە بەكاردەهێنێت".
بە وتەی سەرۆكی كۆریای باكوور"بەشێوەیەكی بێ پێشینە و لەئێستادا كاتی ئەوە هاتووە بە شێوەیەكی گشتگیر و هەمەلایەنە ئامادەكاریی بۆ جەنگ بكەن".