راچڵەکین-

لیۆنێل میسی، هێرشبەری ئەرجەنتینی یانەی ئینتەر میامی دوای یارییەکەی بەرامبەر نیویۆرک ڕێدبوڵز دوو ژمارەی پێوانەیی نوێی لە خولی نایابی ئەمریکی تۆمارکرد، کە بە ئەنجامی 6-2 یارییەکە کۆتایی پێهات.


لەم یارییەدا لیۆنێل مێسی یەک گۆڵ و پێنج ئەسیستیشی"پاسی گۆڵ"ی تۆمارکرد. بەم شێوەیە مێسی بووە یەکەم یاریزان لە مێژووی خولی ئەمریکی "MLS" کە لە یەک یاریدا 5 ئەسیست بکات. هەروەها یەکەم یاریزانی یانەیەکی خولی ئەمریکی بوو کە لە یەک یاریدا 6 خاڵ لە سیستەمی گۆڵ و ئەسیستدا تۆمار بکات.

میسی هەروەها توانی بۆ یەکەمجار لە ژیانی وەرزشیدا لە یەک یاریدا پێنج ئەسیست بکات.

لەم یارییەدا لویس سوارێز هێرشبەری ئۆرۆگوایی یانەی ئینتەرمیامی هاتریکی تۆمارکرد و ئەسیستێکیشی کرد.

تیپی تۆپی پێی ئینتەر میامی لە پێشەنگی ڕیزبەندی کۆنفرانسی ڕۆژهەڵاتی MLS دایە بە کۆکردنەوەی 24 خاڵ لە 12 یاریدا.