ئەو تۆمەتبارەی سەرجەم ئەندامانی خێزانێكی كوشت دەستگیركرا

عێراق

پێش 3 هەفتە     ژمارەی بینراو 1094

راچڵەكین -

وەزارەتی ناوخۆی عیراق، دەستگیركردنی ئەو تۆمەتبارەی راگەیاند كە سەرجەم ئەندامانی خێزانی براكەی خۆی كوشتبوو.

وەزارەتەكە لە راگەیەندراوێكدا كە ئەمڕۆ بڵاویكردووەتەوە، ئاشكرایكردووە، دوای ئەوەی زانیارییان پێگەیشت كە لەناوچەی سەدر-ی رۆژهەڵاتی بەغدا، تۆمەتبارێك بە چەكی كڵاشینكۆف هێرشی كردووەتە سەر ماڵی براكەی و سەرجەم ئەندامانی خێزانەكەی كوشتووە كە ژمارەیان سێ كەس بوو، دەستبەجێ هێزەكانی پۆلیسی فیدراڵی و پۆلیسی رەسافە دەستیان بە لێكۆڵینەوە كردو توانییان لەماوەیەكی زۆر كەمدا بەسوود وەگرتن لە كامێراكانی چاودێری، شوێنی تۆمەتبارەكە دەستنیشان بكەن و لە بۆسەیەكدا لەناوچەی شەعب-ی باكووری رۆژهەڵاتی بەغدا دەستگیری بكەن.

وەزارەتی ناوخۆی عیراق ئاماژەی بەوەكردووە، لەمیانی لێكۆڵینەوەكاندا دەركەوتووە تاوانەكە لەئەنجامی كێشەی خێزانییەوە روویداوە، تۆمەتبارەكەش دانی بەتاوانەكەیدا ناوە. 

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن