راچڵەكین-
لە ساڵڕۆژی کۆمەڵکوژی ئێزدییەکانی شەنگال وتەبێژی یەکێتی
نیشتمانی کوردستان رایگەیاند، هێزەکانی پارتی لە نیوەشەودا خەڵكی شەنگالیان
بەجێهێشت.
سەعدی ئەحمەد پیرە وتەبێژی یەکێتی نیشتمانیی کوردستان
رایگەیاند: هێزەکانی پارتی دیموکراتی کوردستان ئاگاداری قەبارەی ئەو هێرشە بوون کە
10 ساڵ پێش ئێستا کرایە سەر شەنگال و دەبوو خەڵکی ناوچەکەیان ئاگادار بکردایەتەوە
نەوەک لە نیوەی شەودا هەڵبێن و خەڵکەکە بەجێبهێڵن.
ئاماژەی بەوەشکرد: بڕیار وابوو لیژنەیەک بۆ لێکۆڵینەوە
لەو بەرپرسانەی لە رووداوەکەدا کەمتەرخەمبوون پێکبهێنرێت، بەڵام تاوەکو ئێستا کەس
نازانێت ئەنجامی لێکۆڵینەوەکان چی بوو، باشتر وایە لەجێگەی رشتنی فرمێسکی تیمساحی
ئەنجامی لێکۆڵینەوەکان بڵاوبکرێتەوە.