راچڵەكین -
سوپای عیراق دەستگیركردنی ئەفسەرێكی باڵای راگەیاند كە تۆمەتبارە بە دزینی دەیان پارچە چەكی جۆراوجۆر لە بارەگای فەوجێكی سوپا.
میدیاكانی عیراق بڵاویانكردەوە، دوای ئەوەی دوێنێ ئاشكرابوو لە بارەگای فەوجێكی سەر بە فیرقەی پێنجەمی سوپای عیراق لەپارێزگای ئەنبار، زیاتر لە 200 كڵاشینكۆف و 16 دەمانچە دزراوە، لیژنەی لێكۆڵینەوە پێكهێنراو توانرا تۆمەتباری سەرەكیی دزییەكە دەستگیر بكرێت.
تۆمەتبارەكە ئەفسەرێكی سوپای عیراقە بە پلەی موقەدەم و دوای ئەنجامدانی تاوانەكەی، بەرەو پارێزگای واست هەڵاتبوو، بەڵام توانرا شوێنەكەی دەستنیشان بكرێت و لەلایەن هێزێكی سوپای عیراقەوە دەستگیركرا.