راچڵەکین-

ئەمڕۆ هەینی، وەزارەتی ناوخۆی عێراق، لە راگەیەندراوێکدا ئاشکرایان کرد: هێزە ئەمنییەكان لە شارى (رومادى)ى سەر بە پارێزگای ئەنبار، گەورترین ژنی جادووگەریان بەپێی یاسای 456ی عێراقی، دەستگیر كرد.

وەزارەتەکە لە راگەیەندراوەکەدا دەڵێت، لەگەڵ دەستگیردنیشیدا، دەست بەسەر ژمارەیەكی زۆر كەلوپەلی سیحر و جادوودا گیرا، ئێستاش لە زیندانە و لێكۆڵینەوەی ورد لەگەڵیدا بەردەوامە.

پێشتر لە بەرنامەیەكی تەلەفزیۆنیدا، ژمارەیەک هاووڵاتی ئاشکرایان کردبوو، ئەم ژنە جادووی بۆ كردوون بە 30 ملیۆن دینار و چەندان هاووڵاتی پارەی خەیاڵیان پێداوە.