راچڵەکین-

سەرۆکوەزیرانی عێراق گەیشتە نیویۆرکی ئەمریکا و بەشداری لە 79هەمین کۆبونەوەی کۆمەڵەی گشتی نەتەوە یەکگرتوەکان دەکات.

ئەمڕۆ یەکشەممە، 22-9-2024، نووسینگەی سەرۆکوەزیرانی عێراق بڵاویکردەوە، محەممەد شیاع سودانی، بەرەبەیانی ئەمڕۆ گەیشتە نیویۆرکی ئەمریکا، بەمەبەستی بەشداریکردن لە کۆبوونەوەی کۆمەڵەی گشتی نەتەوەیەکگرتووەکان. بڕیاریشە وتارێک پێشکەش بکات.

ئاماژەی بەوەش کردووە، ئامانج لە کۆبوونەوەکە زیادکردنی ھاریکاری و بەرەنگاربوونەوەی ئاڵنگارییەکانە.

سەرۆکوەزیرانی عێراق لەم گەیشتەیدا، زنجیرە کۆبوونەوەیەکی دوو قۆڵی لەگەڵ سەرکردە و سەرۆکی وڵاتان دەکات و لەگەڵ سکرتێری گشتی نەتەوەیەکگرتووەکانیش کۆدەبێتەوە.

79هەمین کۆبوونەوەی کۆمەڵەی گشتی نەتەوەیەکگرتووەکان رۆژی سێشەممە 24ی ئەم مانگە دەستپێدەکات و تا کۆتایی مانگ دەخایەنێت.