راچڵەکین-
سوپای ئیسرائیل لە بەیاننامەیەکی فەرمیدا ئاماژەی بەوەکرد: حەسەن نەسروڵا ئەمینداری گشتیی حزبوڵای لوبنانی لە هێرشە ئاسمانییەکانی هێزەکانماندا کوژراوە.
ئەمەش لەکاتێکدایە، شەوی رابردوو سوپای ئیسرائیل نزیکەی 40 هێرشی ئاسمانی بۆ سەر لوبنان ئەنجامدا و هەرزوو دەنگۆی کوژرانی حەسەن نەسروڵا بڵاوبووەوە، بەڵام سەرەتا رەتکرایەوە.
شایەنی باسە ئەمڕۆ شەممەش، هێرشەکانی سوپای ئیسرائیل بۆ سەر لوبنان بەردەوامە و لە بەرامبەریشدا حزبوڵای لبونانی ژمارەیەک مووشەکی ئاڕاستەی ناوچەکانی ژێر دەسەڵاتی ئیسرائیل کردووە.