راچڵەكین -

ئیسرائیل بڕیاریدا ژمارەیەك هاووڵاتی فەلەستینی ئازاد بكات، كە لەمیانی ئۆپەراسیۆنێكی بۆسەر كەرتی غەززە دەستگیری كردبوون.

میدیاكانی ئیسرائیل بڵاویانكردەوە، ئەمڕۆ دووشەممە، سوپای ئیسرائیل 12 هاووڵاتی فەلەستینی ئازادكرد كە لەماوەی رابردوودا لەكاتی ئۆپەراسیۆنێكی سەربازی بۆسەر كەرتی غەززە، دەستگیر كرابوون.

بەوتەی چەند شایەتحاڵێك، دەستگیركراوە فەلەستینییەكان لە دەروازەی كەرەم بو سالم لە رۆژهەڵاتی شاری رەفەح-ی باشووری كەرتی غەززە ئازادكراون و شوێنەواری ئەشكەنجەدان بە جەستەیانەوە دیارە.

لەماوەی رابردوودا سوپای ئیسرائیل سەدان هاووڵاتی فەلەستینی ئازادكرد، كە لەمیانی ئۆپەراسیۆنەكانی بۆسەر شارەكانی كەرتی غەززە، بەتۆمەتی هەبوونی پەیوەندی بە بزوتنەوەی حەماس، دەستگیری كردبوون.