راچڵەکین-
لە ٢٤ کاتژمێری رابردوودا بەهۆی هێرشەکانی ئیسرائیلەوە بۆسەر کەرتی غەززە ٩٥ کەس گیانیان لەدەستداوە و بریندار بوون.
وەزارەتی تەندروستیی فەڵەستین لە کەرتی غەززە لە راگەیاندراوێکدا، دوایین ئاماری لەبارەی ژمارەی قوربانیانی کەرتی غەززە بڵاوکردەوە و دەشڵێت، ماوەی ٤١٦ شەڕ بەردەوامە.
وەزارەتەکە رایگەیاندووە، لەماوەی ٢٤ کاتژمێری رابردوودا ئیسرائیل دوو هیرشی دیکەی بۆسەر کەرتی غەززە ئەنجامداوە و بەهۆیەوە ٢٤ کەس گیانیان لەدەستداوە و ٧١ کەسی دیکەش بریندار بوون.
بەپێی ئامارەکانی وەزارەتەکەش، ژمارەی ئەو فەڵەستینییانەی کە لە ٧ی تشرینی یەکەمی ساڵی ٢٠٢٣وە تاوەکو ئێستا لە ئاکامی ھێرشەکانی ئیسرائیلدا لە کەرتی غەززە کوژراون، بەرزبووەوە بۆ ٤٤ ھەزار و ٢٣٥ کەس و ژمارەی بریندارانیش گەیشتووەتە ١٠٤ ھەزار و ٦٣٨ کەس.
هـ.ئـ