راچڵەکین-

حزبوڵڵای عێراق ئەمڕۆ چوارشەممە بەردەوامیی هێرشەکانی خۆی بۆ سەر ئیسرائیل راگەیاند سەرەڕای ئاگربەستەکەی لوبنان کە دوێنێ لەلایەن جۆ بایدن سەرۆکی ئەمریکاوە راگەیەندرا. 

لە بەیاننامەیەکەیاندا هاتووە، "ئاگربەستی نێوان لوبنان و ئیسرائیل نەدەکرا ئەگەر خۆڕاگری حزبوڵڵا و بێتوانایی ئیسرائیل نەبوایە  بۆ گەیشتن بە ئامانجەکانی، بۆیە ئاشکرایە کە بڕیارەکە بڕیارێکی لوبنانی بوو”. 

ئاماژەی بەوەشکرد، "ئەمەریکا لە هەموو تاوانەکانی کوشتن و وێرانکاریدا پاڵپشتی ئیسرائیل بووە، بۆیە درەنگ یان زوو دەبێت باجەکەی بدات." 

دووپاتیان کردەوە "هەڵوێستیان نەگۆڕە لەسەر پرسی فەڵەستین و خوێنی خۆیانی لەسەر دەڕێژن"، ئاماژەی بەوەش کرد، "ئێمە غەززە بەجێناهێڵین، هەرچەندە قوربانیدانەکان گەورە بن و بێباکن لە هەڕەشەکانی دوژمن." 

دوێنێ سێشەممە، جۆ بایدن سەرۆکی ئەمەریکا رایگەیاند، ئاگربەست لە نێوان ئیسرائیل و حزبوڵڵای لوبنان کراوە و جەختی لەوە کردەوە کە ئامانجی ئەم ئاگربەستە 60 رۆژییە ئەوەیە هەمیشەیی بێت و وتیشی "حزبوڵڵا هەر پێشێلکارییەک بکات ئیسرائیل مافی خۆیەتی وڵامی بداتەوە." 

هـ . یـ