راچڵەکین- 

سوپای سوریا بەیاننامەیەکی سەبارەت بە دواین پێشهاتەکانی هەردوو شاری ئیدلیب و حەلەب بڵاوکردەوە.

سوپای سوریا ئاماژەی بەوەکردووە: گروپە تیرۆرستییەکان لە چەند رۆژی رابردوودا بە پاڵپشتی هەزاران تیرۆرستی دەرەکی و چەکی قورس و فڕۆکەی بێ فڕۆکەوان، هێرشیانکردووەتە سەر شارەکانی حەلەب و ئیدلیب.

باسی لەوەشکردووە: لە ئاکامی هێرشەکانی ئەو گروپانە دەیان کارمەندی ئێمە کوژراون و ژمارەیەکی زۆریش بریندار بوون، ژمارەی زۆری تیرۆرستان هێزەکانی ئێمەیان ناچارکردنەوە ئۆپەراسیۆنی رێکخستنەوە ئەنجامبدەین بە ئامانجی بەهێزکردنی هێڵەکانی بەرگری.