راچڵەکین-

لە ساڵی رابردوودا عێراق سەنتەرێکی ناوەندیی داتا و زانیاری سەبارەت بە شێرپەنجە دامەزراندس و هەرێمی کوردستانیش بەو سەنتەرەوە دەبەسترێتەوە، بەگوێرەی یەکەم راپۆرتی سەنتەرەکە بەهۆی شیرپەنجەوە لە هەرێم  نزیکی هەزار کەس گیانیان لەدەستداوە.

 

بەگوێرەی ئامارەکانی عێراق  لە ماوەی دوو ساڵی رابردوودا بە تێکڕا 39 هەزار و 68 تووشبووی شێرپەنجە لە عێراق تۆمارکراون کە 7 هەزار و 720 کەسیان لە هەرێمی کوردستانبوون کە پشکی شێر بەر پارێزگای سلێمانی دەکەوێت بەهۆی ئەوەی سەدان نەخۆش لە شارەکانی دیکەوە سەردانی نەخۆشخانەی هیوادەکەن. 

 

ئاماری تووشبووانی شێرپەنجە بەگوێرەی پارێزگاکان:

 

 سلێمانی: 2909 تووشبوو

 

هەولێر: 2456 تووشبوو

 

دهۆک: 1222 تووشبوو

 

کەرکووک: 1133 تووشبوو

 

وەک لە ریزبەندییەکەدا دەردەکەوێت پشکی شێر بەر پاریزگای سلێمانی دەکەوێت کە بەتێکڕا دوو هەزار و 909 کەس توشی نەخۆشی شێرپەنجەبوون کە لە پارێزگاکانی دیکەی عێراقیشەوە بەمەبەستی چارەسەرکرد سەردانی سلێمانیان کردووە و ئەوەش وایکردووە رێژەکە بەرزبێتەوە بەو جۆرە کە لەورێژەیە 23٪ـی شێرپەنجەی مەمک و 4٪ـی شێرپەنجە لیمفە گرێکانبووە.

جۆرە باوەکانی شێرپەنجە لە هەرێمی کوردستان لەسەر ئاستی رەگەزی نێر؛ یەکەم سییەکان، دووەم قۆڵۆن و سێیەم پرۆستاتە.

 

سەبارەت بە ژنانیش، یەکەم شێرپەنجەی مەمک، دووەم قوڕگ و سێیەم قۆڵۆنە.

 

گیانلەدەستدان بە شێرپەنجە بەپێی پارێزگاکان:

 

 سلێمانی: 342

 

دهۆک: 232 

 

کەرکووک: 195

 

هەولێر: 5

 

بەڕێوەبەری هۆبەی تۆمارکردنی شێرپەنجە لە ئەنجوومەنی شێرپەنجەی عێراق ئاماژەی بەوە کرد، بەهۆی شێرپەنجەوە 11 هەزار و 421 کەس لە سەرجەم پاریزگاکانی عێراق گیانیان لەدەستداوە لەو رێژەیەش 774 کەسیان لە هەرێم بوون کە لەو ژمارەیەش پشکی شێر دووبارە بەر سلێمانی دەکەوێت بە گیانلەدەستدانی 342 کەس.