هاوکاریی دارایی هاوپەیمانان دابەشدەکرێت

کوردستان

پێش 2 هەفتە     ژمارەی بینراو 352

راچڵەکین-

وەزارەتی پێشمەرگەی هەرێمی کوردستان رایگەیاند، بڕیارە کە رۆژی 6ـی ئەم مانگە ، هاوکاریی دارایی هاوپەیمانان بۆ مانگی 1ـی ساڵی 2025 دابەشبکرێت.

ئەمڕۆ چوارشەممە، وەزارەتی پێشمەرگەی هەرێمی کوردستان راگەیەندراوێکی بڵاوکردەوە و تێیدا هاتووە، دوای ئەوەی هاوکاری هێزەکانی هاوپەیمانان بۆ هێزی پێشمەرگە خرایە سەر هەژماری وەزارەتی پێشمەرگە، بەڕێوەبەرایەتی گشتی بودجە و بەرنامەکان ژمێریاری سەربازی، رێکارە دارایی و ژمێریارییەکانی بەکۆتا هێناوە.

 بۆ ئەم مەبەستەش، رۆژی پێنجشەممە بەرواری 6ـی 2ـی 2025 هاوکاریی دارایی هاوپەیمانان بۆ مانگی 1ـی 2025 بەسەر ئەفسەر و پێشمەرگەکانی سەر بەدیوانی وەزارەت و یەکەكانى پیادەی وەزارەتی پێشمەرگە دابەشدەکرێت.

هاوکات لەم مانگەدا زیاتر لە 40 هەزار پێشمەرگە و ئەفسەرانی سەر بە وەزارەتی پێشمەرگە لە رێگەی کارتی بانکییەوە هاوکاری هاوپەیمانان وەردەگرن ئەمەش ئەوە دەردەخات کە وەزارەتی پێشمەرگە بە پێی خاڵەکانی نامەی لێکتێگەیشتنی نێوان وەزارەتی پێشمەرگەی حکومەتی هەرێمی کوردستان و هێزەکانی هاوپەیمانان دەروات. وتیشێ "  هاوکاری هاوپەیمانان بۆ هێزەکانی پێشمەرگە بەردەوامی دەبێت". 

 

 

 

داگرتنی ئەپی راچڵەکین بۆ ئەندرۆید

داگرتنی ئەپی راچڵەکین بۆ ئایفۆن