راچڵەكین-

كۆمپانیای شاماران پترۆلیۆمی كەنەدی رایدەگەیەنێت، لە كیڵگەی ئەتروش و  سەرسەنگ، دەستیان بە بەرهەمهێنانی نەوت كردووەتەوە.

ئەمڕۆ پێنجشەممە 7ی ئابی 2025 كۆمپانیای شاماران راپۆرتی دارایی چارەكی دووەمی خۆی بڵاو كردەوە و رایگەیاند:" لەكێڵگەی ئەتروش بە تەواوی تواناوە دەستمان بە بەرهەمهێنانی نەوت كردەوە، بەڵام لە سەرسەنگ بە نیوەی تواناوە دەستمان بە بەرهەمهێنانی نەوت كردووەتەوە.
 
وەك لەراپۆرتەكەدا هاتووە: "لە كێڵگەی سەرسنك سێ كۆگای نەوت و بۆرییەكانیان زیانیان بەركەوتووە. تاوەكو كۆتایی مانگی 10 بەهۆی زیانەكان ناتوانین بە تەواوی توانا، نەوت لە سەرسەنگ بەرهەمبهێنین."

كێڵگەی نەوتی سەرسەنگ دەكەوێتە سنوری (پارێزگای دهۆك)‌ەوە، ڕوبەری كێڵگەكە (420) كیلۆمەتر دووجایە، دابەشبووە بەسەر دوو ناوچەی نەوتی جیاوازدا كە بریتین لە ناوچەی (سوارە توكەو ڕۆژهەڵاتی سوارە توكە)، هەر یەكێك لەو دوو ناوچەیە سێ كۆگای نەوتی سەربەخۆی تێدایە.

كێڵگەی نەوتی ئەتروش دەكەوێتە پارێزگای دهۆك، بە نزیكەی (85) كیلۆمەتر لە باكووری رۆژئاوای هەولێری پایتەختی هەرێمی كوردستانەوە دورە، رووبەرەكەی (269) كیلۆمەتر چوارگۆشەیە.