راچڵەكین-
پۆلیسی سلێمانی لەهەڵمەتێكدا حەوت دەرۆزەكەری لەسەر ڕێگای عەربەت - سلێمانی دەستگیركرد.
ئەمڕۆ پێنجشەممە 7ی ئابی 2025 پۆلیسی سلێمانی :"لە هەڵمەتێكی مەفرەزەكانی بەشی پۆلیسی نەهێشتنی تاوانی سلێمانی بەمەبەستی دەستگیركردنی ئەو كەسانەی كاری دەرۆزەكردن دەكەن لەناوشار و دەرەوەی شاری سلێمانی ، توانرا (٧) دەرۆزەكەر لەسەر ڕێگای عەربەت - سلێمانی دەستگیربكرێن كەلەسەر ئەو ڕێگایە دەوەستان ."
ئەوەش روونكراوەتەوە:"لە ئێستا سەرجەمیان كە ژمارەیان (٧) كەسە بەبڕیاری دادوەر ڕاگیراون و پەڕاوی لێكۆڵینەوەیان بۆ كراوەتەوە."
پۆلیسی سلێمانی دەڵێت:"هەڵمەتی دەستگیركردنی ئەو كەسانەی كە كاری دەرۆزەكردن دەكەن بەردەوام دەبێت و دەرۆزەكەران دەستگیردەكرێن و ڕووبەڕووی یاسا دەكرێنەوە ."
