راچڵەكین -

لەئەنجامی رووداوێكی پێكدادان لە ناوچەیەكی رۆژئاوای ئەفغانستان، 71 كەس گیانیان لەدەستدا، كە ژمارەیەك لە قوربانییەكان منداڵن.

میدیاكانی ئەفغانستان بڵاویانكردەوە، ئەمشەو لە ویلایەتی هیرات لە رۆژئاوای ئەو وڵاتە، بارهەڵگرێك خۆی بە پاسێكدا كێشا كە بەرەو كابوڵ-ی پایتەخت دەچوو، بەهۆی بەهێزیی رووداوەكەش ئاگر لە پاسەكە كەوتەوەو 71 سەرنشین گیانیان لەدەستدا.

بە وتەی بەرپرسێكی ویلایەتی هیرات، سەرنشینەكانی پاسەكە، كۆچبەر بوون، لەناو قوربانییەكانیشدا 17 منداڵ هەبوون، كە بەشێكیان سووتابوون.