راچڵەكین-
بەڕێوەبەرایەتی گشتی شەهیدانی هەڵەبجە ئاگادارییەك بۆ كوڕوكچی شەهیدان بڵاودەكاتەوە كە پێشینەی هاوسەرگیریان وەرگرتووە.
ئەمڕۆ یەكشەممە 24ی ئابی 2025 بەڕێوەبەرایەتی گشتی شەهیدانی هەڵەبجە ئاگادارینامەیەكی بڵاوكردووەتەوەو تیایدا ئاماژە بەوەكراوە:"حكومەتی هەرێمی كوردستان بڕیاریداوە بە لێخۆشبوونی كوڕ و كچی شەهیدان لە بڕی پارەی سولفەی هاوسەرگیری كە لە ساڵانی رابردوودا وەریانگرتووە ، تەنها ئەو كوڕ و كچی شەهیدانە دەگرێتەوە كە تەنها سولفەكەیان وەرگرتووە و دیاری هاوسەرگیریان وەرنەگرتووە."
ئەوەش روونكراوەتەوە:" بۆ ئەو مەبەستە ئەو كوڕ و كچی شەهیدانەی ئەم ئاگاداریە دەیانگرێتەوە سەردانی بەڕێوەبەرایەتی گشتیمان بكەن بۆئەوەی نوسراویان بۆ بكرێت بۆ لایەنی پەیوەندیدار بۆئەوەی لێخۆشبوونەكەیان بۆ بكرێت ."
