راچڵەكین-
وەزارەتی دارایی و ئابووری حكومەتی هەرێمی كوردستان مووچەی خانەنشینانی پێشمەرگە دابەشدەكات.
وەزارەتی دارایی بڵاویكردووەتەوە، ئەمڕۆ پێنجشەممە 6ی تشرینی دووەمی 2025 مووچەی مانگێكی خانەنشینانی پێشمەرگە دابەش دەكرێت كە لەدوای ٢٠٢٥/١/١ خانەنشین بوون و تا ئێستا لەلایەن حكومەتی فیدراڵەوە مووچەكانیان بۆ خەرج نەكراوە.
ئەوەش روونكراوەتەوە، وەزیری دارایی و ئابووری بەڕێوبەرایەتی گشتی ژمێركاری و گەنجینەكان و بانكەكانی ڕاسپارد سبەی سەرجەم ڕێكارەكان تەواو بكەن و مووچەیەكیان بۆ خەرج بكرێت.
هاوكات بەڕێوبەرایەتی خانەنشینی لە وەزارەتی پێشمەرگەو بەڕێوبەرایەتی گشتی خانەنشینی لە وەزارەتی دارایی و ئابووری ڕاسپێردران بە زووترین كات دۆسیەی سەرجەم ئەو پێشمەرگەو ئەفسەرو پلەدارانە تەواو بكەن كە بڕیاری خانەنشین بوونیان بۆ دەرچووە.