راچڵەکین- 

پڕۆسەی دەنگدانی تایبەت بە بەشداری زیاتر لە یەک ملیۆن ئەندامی هێزە سەربازی و ئەمنییەکان لە عێراق دەستیپێکرد.

کاتژمێر 7:00ی بەیانی ئەمڕۆ یەکشەممە، پڕۆسەی دەنگدانی تایبەت لە تەواوی عێراق دەستیپێکرد و تیایدا زیاتر لە ملیۆنێک و 300 هەزار ئەندامی هێزە سەربازی و ئەمنییەکان مافی دەنگدانیان هەیە لەگەڵ زیاتر لە 26 هەزار ئاوارە.

دەنگدەرانی ئەمڕۆ لە 807 بنکەی دەنگدان و چوار هەزار و 501 وێستگە دەنگ دەدەن و بڕیاریشە پڕۆسەکە تاوەکو کاتژمێر 6:00ی ئێوارە بەردەوام بێت و رۆژی سێشەممەش دەنگدانی گشتیی بەڕێوەدەچێت.