راچڵەکین-
لە سنووری پارێزگای هەولێر دوو منداڵ کەوتنە ناو مەلەوانگەی خانوویەکی گەشتیاری و هەردووکیان گیانیان لەدەستدا.
عەبدولقادر دڵشاد بەڕێوەبەری بەرگری شارستانی شەقڵاوە رایگەیاند:
دوو منداڵ کە خوشک و برابوون کەوتوونەتە ناو مەلەوانگەی یەکێک لە خانووە گەشتیارییەکان
و بەوهۆیەشەوە گیانیان لەدەستداوە.
بەگوێرەی زانیارییەکان، دوابەدوای رووداوەکە هەردوو منداڵەکە
کە بە رەچەڵەک عەرەبن گەیەندراونەتە نەخۆشخانە، بەڵام بەرلەوەی بگەنە نەخۆشخانە
منداڵەکان گیانیان سپاردووە و دواتریش تەرمەکانیان رەوانەی پزیشکی داد کراوە.