راچڵەكین-
فەرماندەیی ناوەندی هێزەكانی ئەمریكا (سێنتكۆم) بڵاویكردەوە، پشتیوانی و هاوكاری بۆ زیاتر لە ٢٢ ئۆپەراسیۆن دژی ڕێكخراوی تیرۆریستیی داعش لە سوریا دەستەبەركراوە.
سێنتكۆم، لە ڕاگەیاندراوێكیدا ئاماژەی بەوە كردووە، ڕاوێژ و پشتیوانی و هاوكاری بۆ ئەو ئۆپەراسیۆنانە دابینكراوە كە لە نێوان یەكی تشرینی یەكەم و شەشی تشرینی دووەمدا لە نێوان هێزی ئەركی هاوبەشی یەكگرتوو - ئۆپەراسیۆنی پێداگریی سروشتی و هاوبەشە خۆجێییەكان لە سووریا بەڕێوەچوون.
وەك لەراگەیەندراوەكەدا هاتووە، لە ئەنجامی ئەو ئۆپەراسیۆنانەدا پێنج ئەندامی داعش كوژراون و ١٩ ئەندامی دیكەش دەستگیركراون.