راچڵەكین -

گروپێكی چەكداری نەناسراو لە سووریا هێرش دەكەنە سەر چەند مەزارگەیەكی عەلەوییەكان و دەیسووتێنن.

میدیاكانی ناوخۆی سووریا بڵاویانكردەوە، ئەمڕۆ هەینی 5-12-2025، ژمارەیەك چەكداری نەناسراو، هێرشیان كردە سەر سێ مەزارگەی ئاینیی عەلەوییەكان لە گوندەوارەكانی پارێزگای تەڕتوس لە رۆژئاوای ئەو وڵاتە و ئاگریان تێبەردا.

بەوتەی چەند شایەتحاڵێك، چەكدارە هێرشبەرەكان بەچەند ئۆتۆمبێلێكەوە هاتن و دوای ئەوەی هەرسێ مەزارگەكەیان تێكدا، ئاگریان تێبەردان و بەهۆیەوە مەزارگەكان بە تەواوی سووتان، دواتر بەرەو شوێنێكی نادیار هەڵاتن.

تائێستا حكومەتی سووریا هیچ روونكردنەوەیەكی لەبارەی رووداوەكە نەداوە، چەكدارە هێرشبەرەكانیش بەهۆی ئەوەی دەمامكدار بوون، نەتوانراوە بناسرێنەوە.