راچڵەکین-
ماوەی چەند کاتژمێرێکە شەڕ و پێکدادانەکان لەنێوان هێزەکانی سەر بە حکومەتی سوریا و هێزەکانی سوریای دیموکرات بەردەوامە.
میدیاکانی سوریا بڵاویانکردەوە: تۆپ بەر یەکێک لەو ماڵانە کەوتووە کە
دەکەوێتە گەڕەکی جەمیلییەوە لە شاری حەلەب بەوهۆیەشەوە ژنێک و منداڵیک گیانیان
لەدەستداوە، هەروەها بەهۆی شەڕەکەوە چەند هاوڵاتییەکی دیکەی مەدەنی بریندار بوون.
هاوکات هێزەکانی ئاسایشی ناوخۆی حەلەب باسی لەوەکردووە، کار دەکەن بۆ راگواستنی
خەڵکی ئەو ناوچانەی کە شەڕ و پێکدادان تێیاندا روودەدات و پارێزگاری حەلەبیش
دەڵێت، هەوڵدەدەن بە زووترین کات پێکدادانەکان بووەستێنن.
لەلایەکی ترەوە ناوەندی راگەیاندنی هێزەکانی سوریای دیموکرات (هەسەدە) روونیکردووەتەوە:
هێزەکانی سەر بە دیمەشق تانک و تۆپ بەکار دەهێنن بۆ بە ئامانجگرتنی گەڕەکەکانی حەلەب.