راچڵەكین-

هەریەك لە یانەی بەرشلۆنەو ئەتلەتیك بیلباو یارییەكەی چارەنووسساز ئەنجامدەدەن بۆ گەیشتن بەیاری كۆتایی جامی سوپەری ئیسپانیا.

كاتژمێر 22:00ی ئەمشەو بەكاتی هەرێمی كوردستان لەسعودیە، هەردوو یانەی بەرشلۆنەو ئەتلەتیك بیلباو، لە یاریی پێشكۆتایی جامی سوپەری ئیسپانیا، ڕووبەڕووی یەكتر دەبنەوە، براوەی ئەم یاریەش دەچێتە یاریی كۆتایی و رووبەڕووی براوەی یاریی دووەمی قۆناغی پێش كۆتایی نێوان ریال مەدرید و ئەتلێتیكۆ مەدرید دەبێتەوە.

سەبارەت بەو یاریە هانزی فلیك، راهێنەری یانەی بەرشلۆنە رایگەیاندووە:" یاریكردن بەرامبەر ئەتلەتیك بیلباو ئاسان نییەو، لەهێڵی هێرشبەریدا بژاردەی باشیان هەیە، نابێت ئەو هەڵانەش دووبارە بكەینەوە كە لەیاری رابردوودا ئەنجامماندا."

لەبەرامبەردا، ئێرنیستۆ ڤاڵڤێردی، راهێنەری یانەی ئەتلێتیك بیلباو رایگەیاندووە:" هەرچەندە یانەی بەرشلۆنە چانسی بردنەوەی یارییەكەی زیاترە لەئێمە، بەڵام ئەمە تۆپی پێیەو دەكرێت لەو 90 خولەكەی یارییەكەی تێدا ئەنجامدەدرێت، زۆر شت ڕووبدەن."