راچڵەكین -
بەڕێوەبەرایەتی كەشناسی و بومەلەرزەزانی هەرێمی كوردستان پێشبینییەكانی بۆ كەشوهەوای 48 كاتژمێری داهاتووی ناوچە جیاجیاكانی هەرێم بڵاودەكاتەوە.
ئەمڕۆ هەیینی 30ی كانوونی دووەمی 2026 ئاسمان بە گشتی هەور دەبێت، سەرەتا لە ڕۆژئاوا و باكووری هەرێم نمە باران دەبارێت پاشان بۆ دوای نیوەڕۆ نمە باران و بارانی مامناوەند بە پچڕپچڕی لە زۆربەی ناوچەكان دەبارێت . هەروەها لە ناوچە سنووریەكان بەفر بارین دەبێت . لە شەودا كاریگەری دابارین لە زۆربەی ناوچەكان لاواز دەبێت تەنها لە ناوچە شاخاویەكان و ناوچە سنووریەكان بەردەوامی دەبێت.
سبەی شەممە 31ی كانوونی دووەمی 2026 ئاسمان هەوری تەواو دەبێت ئەگەری دروست بوونی تەم هەیە لە هەندێك ناوچە لە كاتەكانی بەیانیدا . لە سنوری پارێزگای دهۆك و ناوچەكانی باكووری هەرێم نمە باران دەبێت هەروەها لە ناوچە سنوریەكانی باكوور بەفر بارینێكی كەم دەبێت . پاشان لە شەودا كاریگەری دابارین زیاد دەكات لە زۆربەی ناوچەكانی هەرێم نمە باران و بارانی مامناوەند دەبارێت هەروەها لە سەرجەم ناوچە سنوریەكان بەفر بارین دەبێت . پلەی گەرما بە نزیكی 2 تــــا 4 پلە بەرزتر دەبێت.
بەرزترین پلەكانی گەرمای پێشبینیكراو بە پلەی سیلیزی
هەولێر : 13 پلەی سیلیزی
پیرمام : 7 پلەی سیلیزی
سۆران : 6 پلەی سیلیزی
حاجی ئۆمەران : 1 پلەی سیلیزی
سلێمانی : 12 پلەی سیلیزی
چەمچەماڵ : 15 پلەی سیلیزی
هەڵەبجە : 13 پلەی سیلیزی
دهۆك : 10 پلەی سیلیزی
زاخۆ : 10 پلەی سیلیزی
ئاكرێ : 10 پلەی سیلیزی