راچڵەكین -
وەزارەتی دادی عیراق ئازادكردنی زیاتر لە 750 زیندانی لە گرتوخانەكان رادەگەیەنێت، كە زیاتر لە 381 زیندانی بەر لێبوردنی گشتی كەوتوون.
وەزارەتەكە لە راگەیەندراوێكدا بڵاویكردەوە، لەماوەی مانگی رابردوودا، 751 زیندانی لە گرتوخانەكانی بەغدا و شارەكانی دیكەی عیراق، لەلایەن فەرمانگەی چاكسازییەوە بڕیاری ئازادكردنیان دراوە.
بەگوێرەی راگەیەندراوەكە، 370 زیندانی بە فەرمانی دادگا ئازاد كراون، هاوكات 381 زیندانیی دیكەش بەر لێبوردنی گشتی كەوتوون و ئازاد كراون.
وەزارەتی دادی عیراق ئاماژەی بەوەكردووە، فەرمانگەی چاكسازیی عیراق بەردەوامە لە بەدواداچوونی پرۆسەی ئازادكردنی زیندانییەكان دوای تەواوكردنی سەرجەم رێكارە یاساییەكان.