راچڵەکین-

بەڕێوەبەرایەتی گشتی کەشناسی و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە.

بەڕێوەبەرایەتی گشتی کەشناسی و بومەلەرزەزانیی هەرێم بڵاویکردەوە: ئەمڕۆ شەممە، ئاسمان بە گشتی هەوری باراناوی دەبێت و لە زۆربەی ناوچەکان نمە باران و بارانی مامناوەند بە بچڕ بچڕی دەبارێت هەروەها لە ناوچە سنوورییەکان بەفر بارینێکی کەم دەبێت، لە کاتەکانی شەویشدا کاریگەری باران زیاتر دەبێت و لە هەندێک کات و شوێن بە شێوەی لێزمە دەبێت.

ئاماژەی بەوەشکرد: سبەی یەکشەممە، ئاسمان هەوری تەواو دەبێت و بارانی مامناوەند لە کاتەکانی بەیانیدا دەبارێت و پاشان کاریگەرییەکەی لاوازتر دەبێت بە نمە بارانی بچڕ بچڕ بەردەوام دەبێت بە درێژایی رۆژ، بە تایبەتی لە رۆژهەڵاتی هەرێم.