راچڵەكین -

بەڕێوەبەرایەتی كەشناسی و بومەلەرزەزانی هەرێمی كوردستان پێشبینییەكانی بۆ كەشوهەوای 48 كاتژمێری داهاتووی ناوچە جیاجیاكانی هەرێم بڵاوكردەوە.

ئەمڕۆ سێشەممە 10-2-2026، كاریگەری ئەو شەپۆلی بارانبارینەی رووی لە ناوچەكەمان كردووە بەردەوامی دەبێت و بارانبارین بە شێوەی نمەباران و بارانی مامناوەند لەسەرجەم ناوچەكان دەبێت و لەهەندێ ناوچە هەورە تریشقەی لەگەڵ دەبێت، بەفر بارینیش لەسەر ناوچە سنوورییە شاخاوییەكان دەبێت.

سبەینێ چوارشەممە 11-2-2026، ناجێگیری لە كەشی ناوچەكەمان بەردەوامی دەبێت و بارانبارین بە شێوەی نمە بارانی پچڕ پچڕ دەبێت لە زۆربەی ناوچەكان، لەسنووری ئیدارەی راپەڕین و بەشێك لە سنووری ئیدارەی سۆران، بارانبارینی بە لێزمەی دەبێت لەگەڵ ئەگەری دروستبوونی هەورە تریشقە. پلەكانی گەرماش روو لە دابەزین دەكات.

بەرزترین پلەكانی گەرمای پێشبینیكراو بە پلەی سیلیزی:

هەولێر : 15 پلەی سیلیزی 
پیرمام : 10  پلەی سیلیزی
سۆران : 12 پلەی سیلیزی 
حاجی ئۆمەران :  7 پلەی سیلیزی   
سلێمانی :  13 پلەی سیلیزی
چەمچەماڵ :  15 پلەی سیلیزی
هەڵەبجە : 16 پلەی سیلیزی 
دهۆك : 14 پلەی سیلیزی
 زاخۆ : 13 پلەی سیلیزی 
ئاكرێ : 13  پلەی سیلیزی