راچڵەكین -

لە كەنەدا تۆمەتبارێك بە چەك هێرشی كردە سەر خوێندنگەیەك و دەستڕێژی گوللەی لە خوێندكاران كرد، بەهۆیەوە لانی كەم 10 كەس كوژران و زیاتر لە 25 كەسی دیكەش بریندار بوون.

میدیاكانی كەنەدا بڵاویانكردەوە، رووداوەكە لە هەرێمی بریتش كۆلۆمبیا لە رۆژئاوای ئەو وڵاتە روویداوە، كەسێكی نەناسراو بەچەكەوە هێرشی كردە سەر خوێندنگەی تامبلر ریدچ و تەقەی بە ئاڕاستەی خوێندكاران كرد، لەئەنجامدا 10 كەس كوژران و زیاتر لە 25 كەسی دیكەش بریندار بوون، كە برینی هەندێكیان سەختە.

پۆلیسی ناوچەكە لە راگەیەندراوێكدا ئاماژەی بەوەكردووە، هێزەكانیان چوونەتە ناو خوێندنگەكە و تۆمەتبارەكەیان بە برینداری دەستگیركردووە، لێكۆڵینەوەشیان لەبارەی هۆكاری رووداوەكە دەستپێكردووە، هاوكات داواشیان لە دانیشتووانی ئەو شاۆچكەیە كردووە كە رووداوەكەی تێدا روویداوە، لە ماڵەكانیان بمێننەوە.