راچڵەكین -

ئاسایشی هەولێر ‎دەستگیركردنی دوو تۆمەتباری راگەیاند كە زیاتر لە 40 تاوانی دزیكردنیان ئەنجامداوە.

‎بەڕێوەبەرایەتی ئاسایشی هەولێر لە راگەیەندراوێكدا بڵاویكردەووە، دوای ئەوەی لە چەند حاڵەتێكی دزیكردن لە چەند گەڕەكێكی شاری هەولێر ئاگاداركراینەوە، لەلایەن تیمەكانمانەوە دەست بە ئەنجامدانی بەدواداچوون كرا و دوای ئاشكراكردنی ناسنامەكانیان، بە فەرمانی دادوەری لێكۆڵینەی ئاسایشی هەولێر، دوو تۆمەتبار بەناوەكانی (ج ، أ ، ن) و (ع ، ح ، د) دەستگیركران.

وەك لە راگەیەندراوەكەی ئاسایش هەولێردا هاتووە، هەردوو تۆمەتبارەكە زیاتر لە 40 تاوانی دزیكردنیان ئەنجامداوە و شەوان بە كوچە و كۆڵانەكانی شاری هەولێردا گەڕاون و ئۆتۆمبێلی هاووڵاتییان كە لەپێش ماڵەكانی خۆیان ڕایانگرتووە، جامەكانیان شكاندووە و بڕێكی زۆر پارە و چەك و كەلوپەلی تریان بردووە.