راچڵەكین -
بوومەلەرزەیەكی بەهێز لە سنووری پارێزگای دیالە لە رۆژهەڵاتی عیراق روویدا و هیچ زیانێكی گیانی و داراییشی لێنەكەوتەوە.
دەستەی گشتی كەشناسی و بوومەلەرزەزانیی عیراق لە راگەیەندراوێكدا بڵاویكردەوە، پێشنیوەڕۆی ئەمڕۆ هەینی 20-2-2026، بوومەلەرزەیەك بەگوڕی 4.5 پلە بەپێوەری رێختەر، لەنزیك دەریاچەی حەمرین لە باشووری رۆژئاوای شارۆچكەی جەلەولا-ی سەر بە پارێزگای دیالە روویداوە.
لە راگەیەندراوەكەدا ئاماژەی بەوەكراوە، بوومەلەرزەكە لە قووڵایی 10 كیلۆمەتر روویداوە و لە ناوچەكانی دەوروبەریش هەستی پێكراوە، بەڵام هیچ زیانێكی گیانی و دارایی لێنەكەوتووەتەوە.