راچڵەكین-

سەرۆككۆماری ئێران هەڕەشە لە ئەمریكاو ئیسرائیل دەكات و رایدەگەیەنێت، تۆڵەی كوشتنی عەلی خامنەیی، رێبەری باڵای ئەو وڵاتەیان لێدەكەنەوە.

ئەمڕۆ یەكشەممە 1ی ئاداری 2026 مەسعود پزیشكیان، پەیامێكی هاوخەمی بەبۆنەی كوژرانی عەلی خامنەیی لەهێرشە هاوبەشەكانی ئیسرائیل و ئەمریكا بۆسەر تاران-ی پایتەختی ئێران بڵاوكردەوەن تیایدا سەرباری دەربڕینی هاوخەمی و نیگەرانی خۆی ئاماژەی بەوەشكردووە:" عەلی خامنەیی، لەسەر دەستی شەڕانگێزترین تاوانبار لەسەر ئاستی جیهان شەهیدكراوە، ئەوەش گەورەترین نەهامەتییە كە ڕووبەڕووی جیهانی ئیسلامی بووەتەوە."

پزیشكیان دەڵێت:" كوشتنی باڵاترین بەرپرسی سیاسی ئێران، راگەیاندنی جەنگی كراوەیە دژی مسوڵمانان بەتایبەت شیعە مەزهەبەكان لەسەرانسەری جیهاندا."

"كۆماری ئیسلامی ئێران، رشتنی خوێن و تۆڵەكردنەوە لەئەنجامدەرانی ئەو تاوانە مێژوویە و سەركردەكانی، بەئەركێكی شەرعی و مافی خۆی دەزانێت." مەسعود پزیشكیان وادەڵێت.

رۆژی شەممە 28ـی شوباتی 2026،  لەئاكامی زنجیرەیەك هێرشی هاوبەشی ئەمریكا و ئیسرائیل بۆسەر تارانی پایتەختی ئێران، عەلی خامنەیی، رێبەری باڵای ئەو وڵاتە كوژرا.

هەواڵی كوژرانی خامنەیی، سەرەتا لەمیدیاكاتی ئیسرائیل بڵاوكرایەوە، دواتر دۆناڵد ترەمپ-ی سەرۆكی ئەمریكا كوشتنی خامنەیی بەفەرمی راگەیاندو بەبەیانی ئەمڕۆش، ناوەندە فەرمییەكانی ئێران هەواڵی كوشتنی ریچبەری باڵای ئەو وڵاتەیان بەهۆی هێرشەكانی ئەمریكاو ئێران پشتڕاستكردەوە.