راچڵەكین-

هەریەك لە ئەمریكا، بەحرێن، ئوردن، كوێت، قەتەر، سعودیە و ئیمارات ڕایانگەیاند، بە ئامانجگرتنی هاوڵاتیانی مەدەنی لەلایەن ئێرانەوە، پێشھاتێكی مەترسیدارە.

ئەمریكا، بەحرێن، ئوردن، كوێت، قەتەر، سعوودیە و ئیمارات لە ڕاگەیاندراوێكی ھاوبەشدا ستایشی ھاریكارییە بەرگرییە ئاسمانییەكانیان، دژبە ھێرشە مووشەكییەكانی ئێران كردووە:" ئەوەی ئێران لە بە ئامانجگرتنی خەڵكی مەدەنی و ئەو وڵاتانەی كە بەشداری شەڕ ناكەن ئەنجامی دەدات "پێشھاتێكی مەترسیدار و ھەڵسوكەوتی بێباكانە".

ھەروەھا بە تووندی سەركۆنەی ھێرشەكانی ئێرانیان بۆ سەر ژمارەیەك وڵاتی ناوچەی كەنداو كردووە، لەوانە بەحرێن، عیراق، ئوردن، كوێت، عومان، قەتەر، سعوودیە و ئیمارات.

ئەو ژمارەیە لەوڵاتانی عەرەبی رایانگەیاندووە: "ئێمە بە یەكگرتوویی بەرگریی لە ھاووڵاتیانمان، سەروەری و خاكەكەمان دەكەین و جارێكی مافی بەرگریكردن لە خۆمان دژبەم ھێرشانە دووپات دەكەینەوە، ھەروەھا پابەندبوونی خۆشمان بۆ پاراستنی ئاسایشی ناوچەكە دووپات دەكەینەوە".