راچڵەكین-

پۆلیسی سلێمانی داوا لەهاوڵاتییان دەكات، زانیاریان بدەنێ لەسەر تەرمێك كە رۆژی 25ی شوبات لەگەڕەكی سەرچنار/ چەق چەق دۆزراوەتەوە.

پۆلیسی سلێمانی ئەمڕۆ دووشەممە 9ی ئاداری 2026 لە ڕاگەیەندراوێكدا ئاماژەی بەوەكردووە، لەڕێكەوتی 25ی شوباتی 2026  تەرمێك دۆزراوەتەوە لەگەرەكی سەرچنار /چەق چەق نزیك ڕێستۆرانتی لاڤۆندا لەرەگەزی نێر كەناوی نەزانراوە لەبەرئەوەی هیچ جۆرە پێناسێكی پێنییە.

ئەوەش ڕوونكراوەتەوە، ئەو كەسەی تەرمەكەی دۆزراوەتەوە، گەنم ڕەنگەو رەنگی قژی سپی و رەشە (ماش و برنجی)یە وەرەنگی چاوی قاوەییەو باڵای مام ناوەندەو لاشەی كەمێك لاوازە (زەعیفە) تەمەنی نزیكەی (٤٥-٥٠) ساڵێك دەبێت وەپانتۆڵێكی ڕەش و كراسێكی نیلی لەبەردایە.
 
پۆلیسی سلێمانی داوا لەهاوڵاتیان دەكات هەركەسێك زانیاری لەسەر ناوو ناونیشانی هەیە پەیوەندی بكات بەبنكەی پۆلیسی سەرچنارەوە بەژمارە تەلەفۆنی (٠٥٣٣١٨٤٣٧٧) یان ئێشكگری بەڕێوەبەرایەتییەكە بەژمارە تەلەفۆنی (٠٥٣٣١٩٤٠١١)