راچڵەکین-

بەڕێوەبەرایەتی گشتی کەشناسی و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە.

بەڕێوەبەرایەتی گشتی کەشناسی و بومەلەرزەزانیی هەرێم بڵاویکردەوە: ئەمڕۆ شەممە، ئاسمان بە گشتی هەوری تەواو دەبێت و باران بارین سەرەتا لە رۆژئاوای هەرێم بە شێوەی نمە باران دەستپێدەکات و پاشان لە دوای نیوەڕۆدا دابارین زیاد دەکات و لە سەرجەم ناوچەکانی هەرێم باران دەبارێت و بەردەوامی دەبێت.

ئاماژەی بەوەشکرد: سبەی یەکشەممە، ئاسمان هەوری باراناوی دەبێت و دابارین لەسەرخۆ و مامناوەند دەبێت، لە کاتەکانی دوای نیوەڕۆ کاریگەری زیاد دەکات شێوازی باران بارین دەگۆڕێت بۆ بارانی بەلێزمە کە هەندێکجارت هەورە بروسکە و تەرزەشی لەگەڵدا دەبێت بە تایبەتی لە کاتەکانی ئێوارە و شەودا لە ناوچەکانی ناوەڕاست، رۆژهەڵات و باکووری رۆژهەڵاتی هەرێم و گەرمیان.