راچڵەکین-

بەڕێوەبەرایەتی گشتی کەشناسی و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە.

بەڕێوەبەرایەتی گشتی کەشناسی و بومەلەرزەزانیی هەرێم بڵاویکردەوە: ئەمڕۆ شەممە، ئاسمان هەوری تەواو دەبێت، نمە باران و بارانی مامناوەند بە بچڕی بچڕی دەبارێت بە تایبەتی لە ناوچەکانی باکوور و باکووری رۆژهەڵاتی هەرێم پێشبینی دەکرێت رێژەی دابارین زیاتر بێت بەراورد بە ناوچەکانی تر.

ئاماژەی بەوەشکرد: سبەی یەکشەممە، ئاسمان هەوری تەواو دەبێت لەگەڵ بارینی نمە بارانی بچڕ بچڕ لە هەندێک ناوچەی باکووری رۆژهەڵاتی هەرێم، لە دوای نیوەڕۆوە نمە باران سەرجەم ناوچەکانی هەرێم دەگرێتەوە و لە ناوچە شاخاوییەکان دابارین هەندێک جار مامناوەند دەبێت و رێژەی باران بارین زیاتر دەبێت بەراورد بە ناوچەکانی دیکە.