راچڵەکین-

بەڕێوەبەرایەتی گشتی کەشناسی و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە. 

بەڕێوەبەرایەتی گشتی کەشناسی و بومەلەرزەزانیی هەرێم بڵاویکردەوە: ئەمڕۆ یەکشەممە، لەدوای نیوەڕۆوە ئاسمانی هەرێم لە نیمچە هەورەوە دەگۆڕێت بۆ هەوری تەواو، پێشبینی نمە باران لەسەر ناوچە شاخاوییەکان دەکرێت.

ئاماژەی بەوەشکرد: پاشان دووبارە کاریگەری نزمە پاڵەپەستۆی دەریای سپی ناوەڕاست درێژ دەبێتەوە بۆسەر ناوچەکەمان و کاریگەری ئەم شەپۆلە لەسەر پارێزگای دهۆک، ئیدارەی سۆران و بەشێک لە راپەڕین و بەشێک لە سنووری باکووری هەولێر دەبێت،، شێوازی دابارین لەو ناوچاننە بەشێوەی نمە باران و هەندێک کات بارانی مامناوەند دەبێت.

باسی لەوەشکرد: سبەی دووشەممە، کاریگەری شەپۆلی باران بارین زیاد دەکات بە تایبەت لە کاتەکانی بەرەبەیان لە بەشێک لە پارێزگای دهۆک و ئیدارەی زاخۆ و بەشێک لە ئیدارەی سۆران، پاشان بەشێک لە ئیدارەیی راپەڕین، شێوازی دابارین بارانی مامناوەند و هەندێک کات هەورە بروسکەش دەبێت لەگەڵ ئەگەری تەرزە بارین لە ناوچە شاخاوییە جیاجیاکان.

کەشناسی هەرێم روونیشیکردەوە: هاوکات لە ناوچەکانی سلێمانی، هەولێر و هەڵەبجە و کەرکوک، ئیدارەی گەرمیان و قەزای دوکان لەکاتی داببارین زۆربەی کات بەشێوەی نمە بارانی بچڕ بچڕ دەبێت و ئەگەری هەورە بروسکەش هەیە، لە ناوچە سنوورییەکان لەکاتەکانی بەیانی زوو بەفر دەبارێت و سبەیی پلەکانی گەرما کەمێک نزم دەبنەوە.