راچڵەكین -
حكومەتی رووسیا لە دەستپێشخەرییەكدا بۆ راگرتنی جەنگ، ئامادەیی خۆی بۆ نێوەنگیریی ئەمریكا و ئێران نیشاندەدات، وەزیری دەرەوەی ئەو وڵاتەش رایدەگەیەنێت: ئەگەر هەموو لایەنەكان خوازیاری راگرتنی جەنگەكە بن، مۆسكۆ ئامادەیە ئەو كارە بكات.
سێرگی لاڤرڤ، وەزیری دەرەوەی رووسیا، لە لێدوانێكی رۆژنامەوانیدا رایگەیاند: مۆسكۆ هەمیشە لەگەڵ چارەسەری ئاشتییانەدایە بۆ كۆتایی هێنان بە جەنگ و ململانێكان، جەنگی نێوان ئێران و ئەمریكا و ئیسرائیلیش دەبێ كۆتایی پێبهێنرێت لەپێناو سەقامگیریی رۆژهەڵاتی ناوەڕاست.
لاڤرۆڤ ووتیشی:" ئەگەر هەموو لایەنەكان خوازاری راگرتنی جەنگن، ئەوا مۆسكۆ ئامادەیە نێوەندگیریی ئێران و ئەمریكا بكات و كەشێكی گونجاو بڕەخسێنێت بۆ كۆتایی هێنان بەو جەنگە و بەرقەراركردنی ئاشتی".
لەبارەی دەستپێشخەرییەكەی رووسیا، كازم جەلالی، باڵیۆزی ئێران لە مۆسكۆ رایگەیاند: متمانەمان بە دەسەڵاتدارانی رووسیا هەیە ئەگەر بووە نێوەنگیر لەنێوان ئێمە و ئەمریكا، بەرژەوەندییەكانی ئێران لەبەرچاو دەگرێت، بەڵام هێشتا دوژمنان ئیرادەیەكی تەواویان نییە بۆ راگرتنی جەنگ.