راچڵەکین- 

بەهۆی بۆردومانی ئیسرائیل و ئەمریکاوە، شەش هاوڵاتی عێراقی لە دەروازەیەکی سنووری نێوان ئەو وڵاتە و ئێران بوونە قوربانی

دەستەی دەروازە سنوورییەکانی عێراق بڵاویکردەوە: لە ئەنجامی بۆردومانکردنی دەروازەی سنووریی شەلەمچە لە دیوی ئێرانەوە، هاوڵاتییەکی عێراقی گیانی لەدەستداوە.

ئاماژەی بەوەشکرد: هاوکات بە هەمان هۆکار پێنج هاوڵاتی دیکەی عێراق بریندار بوون، هەروەها بۆردومانکردنەکە بووەتە هۆی ئەوەی کارمەندانی ئەو دەروازە سنوورییە کارەکانیان جێبهێڵن و دەروازەکەش لەلایەن ئێرانەوە داخراوە.

شایەنی باسە، کەمێک پێش ئێستا میدیا ئێرانییەکان ئاشکرایانکردبوو، دەروازەی شەلەمچە کە لەسەر سنووری نێوان ئێران و عێراقە، لەلایەن ئەمریکا و ئیسرائیلەوە بە ئامانج گیراوە.