راچڵەكین-
وەزارەتی نەوتی عیراق وادەی دەستكردن بەهەناردەكردنی نەوتی لەڕێی بۆری كەركوك -جەیهانی توركیای ئاشكراكرد.
ساحب بەزون، وتەبێژی وەزارەتی نەوتی عیراق ئەمڕۆ سێشەممە 21ی نیسانی 2026 رایگەیاند؛ بە لە چەند رۆژی داهاتوودا هیڵی نەوتی كەركوك-بەندەری جەیهانی توركیا لە رێی فیشخابورەوە دەكەوێتەی كار.
لە سەرەتادا رۆژانە نزیكەی 600 هەزار بەرمیل نەوت لە رێی ئەو بۆریەوە هەناردە دەكرێت، لە كاتێكدا توانای گشتی بۆرییەكە یەك ملیۆن و 600 هەزار بەرمیل نەوتی رۆژانەیە.
بەرپرسەكەی وەزارەتی نەوتی عیراق ئەوەی روونكردەوە، لە ئێستادا هەناردەكردنی نەوت لە رێی هەرێمی كوردستانەوە بۆ بەندەری جەیهان بەردەوامەو رۆژانە نزیكەی 200 هەزار بەرمیل هەناردە دەكرێت.