راچڵەكین-
فەرماندەی فەرماندەیی ناوەندی ئەمریكا ( سێنتكۆم) و سەرۆكی دەستەی ئەركانی هاوبەشی ئەمریكا، پلانەكانی تایبەت بە دەستپێكردنەوەی هێرشەكانیان بۆ سەر ئێران بۆ دۆناڵد ترەمپ-ی سەرۆكی ئەمریكا ڕوونكردەوە.
دوو بەرپرسی ئەمریكا بەپێگەی ئاكسیۆس-یان راگەیاندووە، كۆبوونەوە سێقۆڵییەكە 45 خولەكی خایاندووە.
تاوتوێكردنی پلانی دەستپێكردنەوەی هێرشەكان بۆسەر ئێران، دوای ئەوە دێت كە لە 7ی نیسانەوە ئاگربەست لەنێوان ئەمریكاو ئیسرائیل لەلایەك و ئێران لەلایەكی تر چووەتە بواری جێبەجێكردنەوە.
پێشتر "ئاكسیۆس" لەزاری سەرچاوە ئاگادارەكانەوە بڵاویكردەوە، فەرماندەیی ناوەندی ئەمریكا پلانی هێرشێكی كورت و بەهێزی دژی ئێران ئامادە كردووە، كە پێدەچێت ژێرخانەكەیشی بكاتە ئامانج، بە هیوای شكاندنی بنبەستی دانوستانەكان.
پێشبینیش دەكرێت كۆبوونەوەكە چەند پلانێكی لەخۆ گرتبێت بۆ كۆنترۆڵكردنی بەشێك لەگەرووی هورمز و دەستبەسەردا گرتنی عەمباری ئێران لە یۆرانیۆمی پیتێنراو.