راچڵەكین-

بەڕێوبەرایەتی بەرگری شارستانی پارێزگای هەولێر گواستنەوەی غازی شلی بەرۆژ قەدەغە كرد.

بەرگری شارستانی هەولێر لەڕاگەیەندراوێكدا ئاماژەی بەوەكردووە، پێناو پاراستنی گیان و سامانی هاوڵاتیان و كەمكردنەوەی مەترسییەكانی پەیوەست بە گواستنەوەی ماددە سووتەمەنییە هەستیارەكان، گواستنەوەی  غازی شل (LPG) بە كاتی ڕۆژ قەدەغەیە.

بەپێی ڕێنمایی ژمارە 1 ماددەی 4 ساڵی 2020 ی وەزارەتی ناوخۆی حكومەتی هەرێمی كوردستان ، هەموو ئۆتۆمبێلە تایبەتەكان و كۆمپانیاكانی گواستنەوەی غازی شل پێویستە لە بەرواری 1-6-2026 بۆ 1-10-2026  تەنها لە كاتە دیاریكراوەكانی شەودا كار بكەن تاكو دوربن لە ئەگەری  ڕووداوی نەخوازراو.

بەرگری شارستانی هەولێر، داوا لە هەموو خاوەن كۆگا و دامەزراوە پەیوەندیدارەكان دەكات پابەندبن بە ڕێنمایی و مەرجە یاساییەكان:" لەكاتی جێبەجێ نەكردنی بڕیارەكە  بە پێی یاسا مامەڵەیان لەگەڵدا دەكرێت."