راچڵەكین-

ماڵپەری شەفافیەت بۆ چاودێری و رێكخستنی داهاتە نانەوتییەكانی سلێمانی، هەڵەبجە و هەردوو ئیدارەی راپەڕین و گەرمیان، داهاتی ئەم هەفتەیەی بڵاوكردەوە.

بەگوێرەی ئەو داتایانە بێت كە ماڵپەری شەفافیەت بڵاویكردوونەتەوە، داهاتی نانەوتی  سلێمانی، هەڵەبجە و هەردوو ئیدارەی راپەڕین و گەرمیان لە 30 ئایار تا 5ی حوزەیران بڕی (3) ملیارو (677) ملیۆن و (636) هەزارو (119)دینار بووە، لە (95%)ـی داهاتەكە نەختینەیە و (5%) مەقاسەیە.

داهاتەكە بەراورد بە هەفتەی رابردوو بەرێژەی  44.59% زیادیكردووە دەكاتە بڕی 1ملیار دینار، بەجۆرێك داهاتی نانەوتی لە 23 تا 29ی ئایاری 2026 بریتیی بوو لە (2) ملیارو (543) ملیۆن و (498) هەزارو (749) دینار.

ماڵپەڕی شەفافیەت لە 8 بەش پێكدێت و لەلایەن نووسینگەی قوباد تاڵەبانی جێگری سەرۆكی حكومەت سەرپەرشتی دەكرێت و دروشمەكەی "بە سیستمكردن و دیجیتاڵكردنی خزمەتگوزارییەكانی هاوڵاتییان لە دامودەزگاكانی حكومەت"ـە.