راچڵەكین-
شاندی حكومەتی هەرێم و وەزارەتی دارایی فیدراڵ و دیوانی چاودێری دارایی لە بەغدا كۆدەبنەوە و پرسی مووچە و شایستە داراییەكان تاوتوێ دەكەن.
بڕیارە ئەمڕۆ پێنجشەممە 2ی تەمووزی 2026 جارێكی تر شاندی حكومەتی هەرێمی كوردستان بەسەرۆكایەتی ئومێد سەباح، سەرۆكی دیوانی ئەنجوومەنی وەزیرانی هەرێمی كوردستان سەردانی بەغدا دەكەن و لەگەڵ شاندی وەزارەتی دارایی و چادێری دارایی فیدراڵ كۆببنەوە.
كۆبوونەوەكان تایبەت دەبن بە دوو پرس، یەكێكیان مووچەی مانگی شەشی مووچەخۆران و فەرمانبەرانی هەرێمی كوردستان و داهاتی نانەوتییە، كە پێشتر شاندی حكومەتی هەرێم داوای كردبوو بەغداد بەپێی یاسای كارگێڕی مامەڵە لەگەڵ هەرێمی كوردستان بكەن، كە %50ـی داهاتی ناوخۆ رادەستی حكومەتی فیدراڵی بكەن و لەبەرانبەر دابین كردنی مووچەی فەرمانبەران.
هەروەك بڕیارە شاندی هەرێمی كوردستان گفتوگۆ لەسەر پرسی سیستەمی ئەسیكۆداش بكەن، چونكە لە كۆبوونەوەكانی رابردوو هەندێك خاڵی ناكۆك هەبوون بۆیە نەگەیشتنە رێككەوتن، بەتایبەت پێناسی گومرگی و سیستەمی بەدیجیتاڵكردنی گومرگییەكانی هەرێمی كوردستان كە حكوومەتی فیدراڵ دەیەوێت بەتەواوی لەژێر كۆنترۆڵی خۆی دا بێت.